«БЕЗДАНЬ» – на Коласаўскай сцэне
У тэатры імя Якуба Коласа 25 красавіка адбылася чарговая прэм’ера. На суд гледачоў прадстаўлена пластычна-драматычная фантастыка «Бездань», якую паставіў рэжысёр Павел АДАМЧЫКАЎ (Мінск). Асновай для «Бездані» стала аднаактная п’еса Рэя Брэдберы «Чыкагская бездань». Па сюжэце Стары (Тадэвуш Кокштыс) трапляе туды, дзе некалі адбылася катастрофа, і спрабуе вярнуць людзям, якія тут жывуць, памяць пра мінулае – каб дапамагчы ім наладзіць жыццё ў будучыні. Але наўрад ці магчыма гэта ў паліцэйскай дзяржаве… Ролі выконваюць таксама Валянцін Салаўёў, Юлія Крашэўская, Ірына Цішкевіч ды іншыя. Алена АЛІМАВА, «ВП». Фота аўтара
|