Да юбілею Перамогі
12 мая адкрыліся гастролі знакамітых тэатральных калектываў адразу ў двух беларускіх гарадах. У Віцебску – Брэсцкага акадэмічнага тэатра драмы імя Ленінскага камсамола Беларусі, і ў Брэсце – Нацыянальнага тэатра імя Якуба Коласа. Тэатральныя калектывы абласных цэнтраў абмяняліся пляцоўкамі, прысвяціўшы свае гастролі 65-годдзю Вялікай Перамогі. Таму вельмі сімвалічна, што ў першыя ж дні коласаўцы прапануюць брэсцкаму гледачу спектакль «Плошча Перамогі» А.Паповай, а гастролі брэсцкага тэатра распачнуцца гераічнай драмай «У спісах не значыўся» паводле Б.Васільева. Наогул жа, калектыў брэсцкага тэатра задаволіць любыя густы віцебскага гледача. У рэпертуары гасцей камедыі «Крошка» Жана Летраза, «Смешныя грошы» Рэя Куні, спектакль у стылі сцёб-дызайна «Чорны анёл з белымі крыламі» Дз.Балыкі, казка «Сіўка-Бурка». Вікторыя Дашкевіч, «ВП»
|