Урачы аб этыцы
Дактары медыцыны з Беларусі, Індыі, Шры-Ланкі, святары з Польшчы, Беларусі, Швейцарыі, старшыня Папскай рады пастырства работнікаў сферы аховы здароўя арцыбіскуп Зыгмунт Зімоўскі – усе гэтыя людзі сабраліся 29 мая ў Віцебску, каб прыняць удзел у VI Міжнароднай медыцынскай канферэнцыі «Праблемы ўрачэбнай этыкі ў сучасным свеце». Канферэнцыю праводзілі Віцебская дыяцэзія сумесна з Віцебскім дзяржаўным медыцынскім універсітэтам. Тэмы дакладаў былі цікавыя і разнастайныя – пачынаючы з вузкамедыцынскіх пытанняў аб узроставых захворваннях на остэаартроз і остэапароз і заканчваючы медыкаэтычнымі праблемамі ў творах класікаў Булгакава, Чэхава, Верасаева... Асноўнай жа тэмай канферэнцыі была праблема узаемаадносін доктара і пацыента ва ўмовах укаранення новых медыцынскіх тэхналогій і новай культурнай сітуацыі. Вікторыя ДАШКЕВІЧ
|
