Мастакі помняць…
На рэспубліканскую выставу «Помніць зямля беларуская» свае работы прапанавалі больш за 20 мастакоў з Мінска – удзельнікаў суполкі «Традыцыя» Беларускага саюза мастакоў. Выстава адкрылася ў Мастацкім музеі Віцебска. Галоўная мэта выставы – паказаць мір у кантрасце з вайной. Рэалістычныя краявіды, на якіх адлюстраваныя залітыя сонцам палі, вёскі, рачулкі, цэрквы і блакітнае неба, нацюрморты з палявымі кветкамі – усё апявае шчаслівае жыццё беларусаў пад мірным небам. Але памяць пра вайну жывая: побач – сцэны з ваеннага жыцця, салдацкага быту. Дапаўняюць экпазіцыю палотны на гістарычныя тэмы. Сярод удзельнікаў выставы – народны мастак Беларусі Георгій Паплаўскі, народны мастак Беларусі Май Данцыг, заслужаныя дзеячы мастацтваў Беларусі Барыс Аракчэеў, Мікалай Апіёк, Уладзімір Уродніч, Леанід Дударэнка, Уладзімір Гардзеенка, Віктар Барабанцаў і іншыя знакамітыя беларускія творцы. Таццяна СаЛаўёВА, «ВП». Фота аўтара
|